Hatha Jóga með Maríu Rún

Þessir tímar eru fullkomnir fyrir þau sem vilja rækta bæði andlegt og líkamlegt jafnvægi, hlúa að sér, gefa sér hvíld frá öllum verkefnum og jafnvel undirbúa sig fyrir góðan nætursvefn.

 

Tímarnir henta bæði byrjendum og lengra komnum. Einnig henta þeir öllum kynjum, aldurshópum, stærðum, gerðum og stirðum líka! Allir geta stundað jóga.

Hver tími hefst á hugleiðslu og öndunaræfingu. Þaðan tekur við flæði þar sem við njótum þess að hreyfa líkamann okkar á meðvitaðan hátt með því að draga athyglina inn á við og hlusta á líkamann. Mjúkt flæði þar sem byggður er upp styrkur í leiðinni. Bráðnum inn í liðleika og þjálfum jafnvægi. Hver tími endar í hugleiðslu, ró og slökun.

Í tímunum verður vel farið yfir hverja stöðu og einnig yfir líkamsstöðu- og beitingu til að hámarka virkni og þú lærir að aðlaga hverja stöðu eftir þínu höfði - t.d með aðstoð kubba, strappa og púða.

Hatha yoga snýst um að finna jafnvægi milli líkama, hugar og sálar. Hatha yoga er mjúkt flæði þar sem farið er rólega úr einni stöðu yfir í aðra á meðvitaðan hátt í takt við andardráttinn. ‘Ha’ þýðir sól og ‘tha’ er tunglið og iðkun hatha yoga sameinar þessar orkur og myndar jafnvægi milli þeirra.

Kostir þess að gera yoga á kvöldin (og yfir höfuð):
- Getur komið í veg fyrir svefnleysi og andvöku.
- Bætir gæði svefnsins og lífsins yfir höfuð.
- Hefur róandi áhrif á líkama og huga.
- Gæti minnkað blóðþrýsting.
- Kemur jafnvægi á framleiðslu stresshormónsins kortisól.
- Eykur blóðflæði.
- Léttir á vöðva og liðverkjum.
- Dregur úr stressi, kvíða og þunglyndi.

Námskeiðið hefst 13.mars og kennt verður tvisvar í viku - á mánudögum og miðvikudögum frá 19:00 - 20:00. Hægt er að velja um að vera annaðhvort eitt eða tvö skipti í viku. Síðasti tími námskeiðsins er 5.apríl.