Í þessum tímum munum við tvinna saman hatha yoga og aerial yoga. Við vinnum með hefðbundnar jógastöður sem við tökum svo einnig í slæðunum. Í aerial yoga náum við að fara dýpra í hverja stöðu fyrir sig og við styrkjum andlegt og líkamlegt jafnvægi bæði í slæðum og á gólfi.
Aerial yoga er vandlega þróuð aðferð Hatha yoga sem notast við stuðning frá silkimjúku hengi sem hangir úr loftinu. Förum út fyrir þægindarammann og hvolfum okkur þar sem fætur snúa upp og höfuð niður. Aerial Yoga er einstök jógísk upplifun þar sem unnið er með stuðning þyngdaraflsins til að hjálpa líkamanum að slaka á og gefa eftir, róa hugann og létta lund.
Við könnum nýjar og hefðbundnar jógastöður þar sem slæðan styður líkamsþyngd þína að fullu eða að hluta til. Þú dýpkar jógaiðkun þína og upplifir líkamlega losun, aukinn styrk, orkumikið flæði og aukna meðvitund um öndun og líkama. Með því að gefa algjörlega eftir í slæðuna færðu innsýn í hvernig þú heldur líkamsstöðunni þinni og hvar þú hefur haldið langvarandi spennu og þar af leiðandi nærð að losa um hana. Aerial hjálpar þér að vinda ofan af gömlum líkamlegum mynstrum og endurstilla líkamann. Þú eykur sveigjanleika, liðleika og hreyfigetu á meðan þú byggir upp styrk, lengir hrygginn og slakar á taugakerfinu.
Gott er að hafa grunnþekkingu í jóga fyrir þessa tíma en þó er það ekki nauðsynlegt. Þessir tímar styrkja bak, maga, jafnvægi og einbeitingu. Förum í góðar og djúpar teygjur fyrir mjaðmir, bak og axlir sem geta losað um vöðvabólgur ofl.
Námskeiðið hefst 1.nóvember og verður kennt í fjórar vikur á þriðjudögum frá 16:30 - 17:30.
4 vikna námskeiðisgjald er 10.000 kr.
Velkomið er að mæta í staka tíma og kostar þá tíminn 3.000 kr. Ef þú vilt mæta í staka tíma sendu mér þá tölvupóst áður á
mariarunb@gmail.com. Ekki hika við að hafa samband á sama netfang ef einhverjar spurningar liggja fyrir.
