Verið velkomin á endurnærandi kakóathöfn með yoga nidra djúpslökun.
Byrjum á að drekka hjartaopnandi kakó frá Guatemala og setjum okkur ásetning. Leyfum svo yoga nidra að taka okkur í djúpt ferðalag innra með okkur, alla leið að kjarnanum.
Mörg okkar lifa afar annasömu lífi og því ætti hvers konar slökun að vera kærkomin fyrir okkur öll.
Kakó er í flokki ofurfæðu, enda stútfullt af andoxunarefnum, vítamínum og steinefnum. Það er dásamlegur hjálpari í að komast dýpra í ýmis konar andlegri vinnu en kakó er einmitt mjög ríkt af magnesíum sem er vöðvaslakandi efni og þannig auðveldar kakó okkur að slaka betur á.
Yoga nidra er hugleiðsluaðferð samkvæmt sérstakri forskrift en talið er að 30 mínútur af yoga nidra geti verið á við 4 tíma svefn. Iðkunin er jafnframt afar áhrifarík við að vinda ofan af streitu og spennu. Þú einfaldlega liggur undir teppi ofan á jógadýnu og hlustar á leidda slökun sem leiðir þig inn í djúpa kyrrð og hvíld.
Viðburðurinn kostar kr. 4000.
Vinsamlegast skráið ykkur með því að senda skilaboð á Gísli Rafn - hugleiðsla, heilun og spá,
gislirafng@gmail.com eða með því að senda sms í s. 845-6652.
Um staðarhaldara:
Gísli Rafn hefur undanfarin tvö ár verið að leiða opna tíma af ýmsum gerðum; m.a. kakóathafnir, KAP (kundalini activation process) ásamt jóga og hugleiðslu. Það er einlægur ásetningur hans að hann megi leiða fólk inn í tengingu við sinn innsta kjarna, þann kjarna sem við erum í raun og veru.