Grunnnámskeið í hatha yoga með Maríu Rún
Ertu að stíga þín fyrstu skref í jóga? Eða viltu styrkja betur grunninn í þinni jógaaiðkun?
Þetta grunnnámskeið er fyrir öll sem vilja læra undirstöðuatriðin í jóga betur. Námskeiðið er fullkomið fyrir byrjendur en hentar einnig þeim sem vilja fara dýpra í helstu grunnstöður jóga og vilja undirbúa sig betur fyrir opna jógatíma. Námskeiðið hentar öllum kynjum, aldurshópum, stærðum, gerðum og stirðum líka!
Á námskeiðinu verður farið vel yfir helstu grunnstöður í jóga og einnig yfir líkamsstöðu- og beitingu til að hámarka virkni og þú lærir að aðlaga hverja stöðu eftir þínu höfði - t.d með aðstoð kubba, púða og strappa.
Í hverjum tíma verður farið vel yfir nokkrar stöður, öndunaræfingar og tekið smá flæði sem endar með endurnærandi slökun. Við lærum að draga athyglina inn á við og hlusta á líkamann.
Hatha yoga snýst um að finna jafnvægi milli líkama, hugar og sálar. Hatha yoga er mjúkt flæði þar sem farið er rólega úr einni stöðu yfir í aðra á meðvitaðan hátt í takt við andardráttinn. ‘Ha’ þýðir sól og ‘tha’ er tunglið og iðkun hatha yoga sameinar þessar orkur og myndar jafnvægi milli þeirra.
Námskeiðið stendur yfir í 6 vikur frá 4.nóvember - 9.desember og verður alla fimmtudaga frá 20:15 - 21:15.
Námskeiðisgjald er 10.000 kr
