Markþjálfun og Jákvæð sálfræði (positive psychology coaching – PPC). 4 vikna námskeið (8 hóptímar).
Námskeiðið byggir á aðferðarfræði markþjálfunar, hugmyndafræði jákvæðrar sálfræði, núvitundarþjálfun, styrkleikanálgun og hugmyndafræði vellíðunar (well being).
• Á námskeiðinu munum við skoða helstu svið jákvæðra sálfræði (hamingjufræðin) með áherslu á styrkleika, hugarfar, heilbrigði, velgengni og leiðir sem gagnast til að auka hamingju í lífi okkar, ásamt því að skoða áhrifamátt bjartsýni, jákvæðra tilfinninga og samskipta.
• Við notum aðferð markþjálfunar, sem byggir á því að nýta og ná fram því besta í fari hvers og eins.
• Þátttakendur munu fá tækifæri til að greina og vinna með helstu styrkleika sína í lífi og starfi. Þeir sem þekkja styrkleika sína eru líklegri til að líða betur, afkasta meiru, sýna meiri seiglu og ná frekar markmiðum sínum. Rannsóknir hafa einnig leitt í ljós að það að greina helstu styrkleika okkar og finna leiðir til þess að nýta þá í daglegu lífi getur aukið vellíðan og hjálpað okkur að finna fyrir meiri tilgangi. Það getur líka dregið úr einkennum þunglyndis og streitu og haft þannig jákvæð áhrif á líkamlega og andlega heilsu okkar
• Við förum í markmiðasetningu, skipulagningu og setjum stefnuna á framtíðina
• Farið er yfir hvað felst í núvitund, ávinningur þess að tileinka okkur núvitund og hvernig við getum fléttað því inn í annasamt daglegt líf og starf. Við þjálfum okkur í núvitund með því að veita hugsunum okkar, tilfinningum og skynjun líkamans fulla athygli.
• Leidd djúpslökun í lok hvers tíma.
Jákvæð sálfræði er ný fræðigrein sem beinir athyglinni að vellíðan, sátt og hamingju einstaklinga og þjóða. Áherslan er á það sem er í lagi, það sem einkennir þá sem eru sáttir og sælir, heilbrigði, styrkleika, velgengni og leiðir sem gagnast til að auka hamingju í lífi og starfi.
Markþjálfun með nálgun jákvæðrar sálfræði (positive psychology coaching - PPC) á rætur sínar að rekja til vísindalegrar nálgunar á að aðstoða fólk við að auka vellíðan, finna og nýta styrkleika sína, auka árangur og ná markmiðum í samræmi við gildi sín, styrkleika, vonir og væntingar. Í ferlinu er lögð áhersla á leiðir til að komast yfir hindranir til að hver og einn geti blómstrað í lífi og starfi, upplifað sátt, jafnvægi og vellíðan.
Ávinningur:
• Aukin sjálfsþekking og jákvæðni.
• Meiri starfgleði og samskiptahæfni.
• Fleiri verkfæri í verkfæratösku daglegs lífs, þ.e. þekking á æfingum og leiðum til að auka vellíðan og velgengni í lífi og starfi.
Leiðbeinandi:
Lovísa Hafsteinsdóttir er með BA í Tómstunda- og félagsmálafræði, Náms-og starfsráðgjafi, Markþjálfi, MA diplómu í Jákvæðri sálfræði, diplómu í Hugrænni atferlismeðferð (HAM) og MA diplómu í Opinberri stjórnsýslu. Lovísa er einnig Yogakennari og Yoga Nidra kennari, ásamt því að spila á Gong sem er heilandi hljóðfæri og stunda nám í Fjölskyldumeðferð.
Hóptímar á þriðjudögum og fimmtudögum kl. 14.00-15:30
Skráning og upplýsingar:
senradgjof@gmail.com eða/og hjá Lovísu í síma 8945097
Mörg stéttarfélög taka þátt í kostnaði.
Námskeiðið er samþykkt hjá VIRK starfsendurhæfingarsjóði
