Elsku "ÉG" jóga og sjálfsstyrking fyrir 16 ára og eldri stúlkur/konur

Viltu efla þig sem manneskju, standa með sjálfri þér í blíðu og stríðu, eignast meiri hugarró, minni kvíða, andlegan og líkamlegan styrk?

 

Vertu þá velkomin til okkar á föstudaginn 17.janúar kl.19.15- 20.15 í Om setrinu, Reykjanesbæ . 

Við byrjum tímann á fræðslu og í þetta skipti ætlum við að einblína á kvíða, tengsl hugsana og hegðunar og leiðir til að vinna með kvíða (hugræna atferlismeðferð, HAM). Þaðan förum við í leidda öndun og hugleiðslu, æfum okkur að anda ofan í maga og ná í akkerið okkar og öryggið, við það róast hugurinn. Hefur jákvæð áhrif á kvíða,þunglyndi og almenna líðan . Endum síðan tímann í góðri slökun og gong. 

Fullkomin byrjun á góðri helgi ♥ 

 

Unnið er út frá kenningum jákvæðra sálfræði- hamingjufræðin, þar sem áhersla er lögð á að auka vellíðan og styrkleikavitund, hugrænna atferlismeðferða (HAM) og Jóga nidra djúpslökun.

 

Ef þið viljið vera með þá endilega hakið við going og sendið okkur línu á sensjalfsstyrking@gmail.com

 

Kennarar: 

Lovísa Hafsteinsdóttir: jógakennari, jóga nidra kennari, námsráðgjafi, markþjálfi og með diplómagráðu á meistarastigi í jákvæðri sálfræði.

Gunnella Hólmarsdóttir: Jógakennari, Foam-flex kennari og leikkona.

Hvenær: 17. janúar 2020, kl. 19.15 – 20.15

Staðsetning: Om setrið, Hafnarbraut 6, 260 Reykjanesbær

 

Verð: 3.000 kr. Velkomið að millifæra eða koma með pening. 

Reikningsupplýsingar: 

0142-26-013397

Kt:180766-5379

 

Það efni/fræðsla sem farið verður yfir í næst komandi Pop up tímum okkar er m.a:

 

Núvitund: Lærum að vera hér og nú,að hætta að velta okkur upp úr því sem er búið að gerast og því sem gæti mögulega gerst í framtíðinni. Æfum okkur í að vera í núinu og upplifa þá góðu tilfinningu sem því fylgir.

 

Sjálfsvinsemd/sjálfsumhyggja: Af hverju er sjálfsvinsemd/sjálfsumhyggja mikilvæg og hvernig getum við aukið hana í daglegu lífi. Farið verður yfir mikilvægi þess að elska,virða og þykja vænt um sjálfa sig,að við erum dásamlegar manneskjur nákvæmlega eins og við erum hér og nú. 

 

Markmiðasetning: Hvernig setjum við okkur raunhæf markmið og fylgjum þeim eftir (létt markþjálfun) 

 

Styrkleikavinna: Hverjir eru styrkleikar mínir og hvernig get ég nýtt þá betur til að efla sjálfa mig. 

 

Kvíði:Tengsl hugsana og hegðunar og leiðir til að vinna með kvíða. (hugræna atferlismeðferð-HAM)