KAP stendur fyrir Kundalini Activation Process.
Sá sem stofnaði KAP heitir Venant Wong, sem í gegnum snertingu miðlar orkunni áfram til að vekja upp kundalini orkuna innra með okkur. Þetta er orka sem býr innra með okkur öllum en hefur verið bæld niður með fyrirfram ákveðnum hugmyndum um hver við erum.
Kundalini orkan, lífsorkan, chi, shakti... fer þangað sem hennar er þörf og hjálpar til að losa um hömlur sem við höfum byrgt innra með okkur, í þeim tilgangi að komast í tengingu við okkar dýpsta sjálf.
Það sem gerist í KAP tíma er að þú liggur á jógadýnu, tónlist er spiluð og við ýtum létt á chakra punkta t.d. enni, brjóstkassa og maga. Það sem gerist innra með þér er síðan oft allt önnur saga.
Það er mjög persónubundið hvað gerist í tímanum. Meðal annars getur þú fengið spontant hreyfingar, farið að dansa, gráta, hlæja af öllu og engu, séð sýnir, getur farið inní aðra vídd eða djúpa hugleiðslu. Orkan fer einfaldlega þangað sem hennar er þörf hverju sinni, við stýrum ekki orkunni heldur erum við einfaldlega millistykki sem berum orkuna áfram.
Gott að mæta 10 mínútum fyrir tímann og koma sér fyrir á dýnunni.
Tíminn kostar kr. 5.000.
Við mælum með að koma í þægilegum fötum og á léttan maga.
Staðarhaldararnir Gísli, Sunneva og Þóra Kolbrún hafa öll verið í námi hjá Venant Wong og lærðu hjá honum að vera með KAP tíma.
Gísli hefur verið verið að leiða hugleiðslutíma undanfarin tvö ár, Sunneva hefur stundað KAP af miklu kappi undanfarið ár en hún starfar einnig sem sjúkraliði og Þóra Kolbrún er Kundalini jógakennari auk þess að vera með BS gráðu í sálfræði.
Ef þið hafið einhverjar spurningar er velkomið að hafa samband í gegnum eftirfarandi:
