Mjúkt Jóga, teygjur og djúpslökun er námskeið sem byggir að mestu á Yin Jóga og Jóga Nidra. Hatha jóga grunnurinn læðist aðeins með og þá helst í formi öndunaræfinga. Einnig kemur Gong spil aðeins við sögu og verður það notað í einhverjum tímum til að ýta undir hugleiðslu og slökunaráhrif. Kennt er 2x í viku klukkustund í senn.
Í tímunum er leitast við að losa um bandvefinn í líkamanum og kalla fram náttúrulegt slökunarviðbragð. Áföll og erfiðleikar sem við upplifum í lífinu skilja gjarnan eftir sig spor í bandvefnum og mikil vellíðan getur fylgt því að losa um hann.
Til að ná fram djúpslökun er notuð ævaforn hugleiðsluaðferð sem örvar líffræðilega ferla svefns. Líkaminn er leiddur í ástand þar sem hann sjálfur starfar við bestu aðstæður við að koma líffærakerfum sínum í jafnvægi. Rannsóknir sýna að aðferðin vinnur gegn einkennum kvíða, þunglyndis og léttir á líkamlegum kvillum. Virkilega góð æfing sem krefst ekki mikils af iðkandanum annað en að vera til staðar og vera tilbúin að gefa eftir.
Tímarnir henta öllum byrjendum sem og lengra komnum.
